MANILA, Philippines – Hinimok ng isang party-list lawmaker ang Bangko Sentral ng Pilipinas (BSP) na baguhin ang kasalukuyang disenyo ng P500 bill na mayroong mukha ni dating Senator Benigno Aquino Jr. at dating Pangulong President Corazon Aquino at palitan ng “more nationalistic symbol” para sa pagkakaisa ng bansa.
Inihain ni Duterte Youth party-list Representative Ducielle Marie Cardema noong Lunes, Mayo 2, ang House Resolution 2566, na humihikayat sa BSP na alisin ang aniya’y “divisive Ninoy Aquino image” sa naturang banknote.
“The image of anti-Marcos leader, Ninoy Aquino, has been placed in the 500 peso bill and caused so much divisiveness in the Philippine populace because more than half support the Philippine leader whom Ninoy Aquino fought with politically,” saad ni Cardema sa kanyang resolusyon.
Binanggit din niya ang ginawang pagpapalit kamakailan ng BSP sa disenyo ng P1000 bill polymer banknote kung saan makikita ang larawan ng Philippine eagle kapalit ng mukha nina Josefa Llanes-Escoda, Jose Abad Santos, at Vicente Lim.
“The BSP recently removed real wartime heroes like General Vicente Lim, Chief Justice Jose Abad Santos, and Girl Scout of the Philippines founder Josefa Llanes Escoda from our 1,000 peso bill even though they fought foreign invaders. They were replaced with a more nationalistic and a powerful image of the Philippine eagle,” ani Cardema.
“What more for a personality like Ninoy Aquino who only fought politically against a fellow Filipino who is also revered by more than half of the Philippine population,” dagdag niya.
Bago ito, una na ring ipinanukala ni Cardema na ibalik ang pangalan ng Ninoy Aquino International Airport (NAIA) na kilala noon sa tawag na Manila International Airport para mas madali itong mahanap ng mga biyahero at magbigay ng “sense of pride” sa mga Pilipino. RNT/ JCM
Storya Ni Juan Official 