Tuluy-tuloy pa rin ang pagde-deploy ng Philippine Overseas Employment Administration (POEA) ng mga Pinoy healthcare workers (HCWs) abroad.

Ayon kay Philippine Overseas Employment Administration (POEA) Chief Bernard Olalia, hindi naaabot ang 7,500 na overseas deployment cap para ngayong 2022.

Dagdag pa nito, nananatiling sapat ang bilang ng mga nurses ngayon sa bansa kahit may mga ipinapadala abroad.

Tinukoy nito ang kakatapos lang na PRC examination para sa mga nurses na inaasahang magdaragdag sa bilang ng working force.

Kasunod nito, sinabi ni Olalia na hindi naman awtomatikong aalisin ang deployment cap oras na ma-lift na ang COVID-19 national emergency sa bansa.

Idedepende pa rin umano ito sa assessment at rekomendasyon sa technical working group.